پاکستانی سیاست میں مئی   ہنگامہ خیز مہینہ ہو گا : شیخ رشید

تفصیلات کے مطابق  سابق وفاقی وزیر شیخ رشید نے  سماجی رابطے کی ویب سائٹ پر ایک پیغام میں موجودہ حکومت پر تنقید کرتے ہوئے کہا  کہ  پیٹرول اور بجلی پر آئی ایم ایف کے دباؤ پر سبسڈی ختم کرنے سے حکومت اپنی سیاسی قبرخود کھودے گی۔

انہوں نے کہا کہ سامراجی سازش کے تحت عوام کو سستی  گیس ، پیٹرول اور گندم سے محروم  کر دیا گیا ہے اور جلد ہی پیٹرول پر سبسڈی ختم کردی جائیگی۔

شیخ رشید  کا کہنا تھا کہ عمران خان روس سے  تیس فیصد سستی گیس، پیٹرول اور گندم لینے جا رہا تھا، اس اقدام سے ملک  میں عوام کو بہت  ریلیف ملتا اور مہنگائی میں کمی آتی ۔

انہوں نے مزید کہا  کہ استعفی لیے بھی جاسکتےہیں اوردیے بھی جاسکتےہیں،  پاکستان میں اگلا مہینہ عید کے بعد ہنگامہ خیز ہو گا اور ملک کے مسائل کاواحد حل الیکشن رہ گیا ہے جسے جتنا جلدی مکمل کر لیا جائے اتنا ہی  ملک کیلئے بہتر ہو گا۔

#امپورٹڈ_حکومت_نامنظور pic.twitter.com/Ro6H2MSngC

— Sheikh Rashid Ahmed (@ShkhRasheed) April 26, 2022