پاکستان کرکٹ بورڈ کا خواتین کرکٹرز کے ٹرائلزکرانے کا اعلان

تفصیلات کے مطابق پاکستان کرکٹ بورڈ  نے خواتین کرکٹرز کے ٹرائلزکرانے کا اعلان کیا ہے جس کے مطابق ملک بھر میں ٹرائلز کا آغاز مئی کے مہینے سے ہوگا۔

میڈیا ذرائع کے مطابق پی سی بی کا کہنا ہے کہ کرکٹ ایسوسی ایشنز کے اشتراک سے ٹرائلز سابق ٹیسٹ اور فرسٹ کلاس کرکٹرز لیں گے۔

بتایا گیا ہے کہ ٹرائلز تین کٹگریز انڈر 19، ایمرجنگ اورسنئیرویمن میں ہوں گے جبکہ ریجنل اکیڈمیز کی خواتین کرکٹرزٹرائلز میں شرکت کی اہل نہیں ہوں گی۔

شیڈول کے مطابق بلوچستان میں 12 مئی، سنٹرل پنجاب میں 6 سے 9 مئی تک ٹرائلز ہوں گے، اسی طرح خیبرپختونخوا میں 9 سے 11مئی اور ناردن میں 10 سے 17 مئی میں ٹرائلز ہوں گے، سندھ 18سے 28 جبکہ سدرن پنجاب میں 10 سے 12 مئی میں  ٹرائلز ہوں گے۔

اس حوالے سے سربراہ ویمن کرکٹ تانیہ ملک نے کہا کہ ویمن کرکٹ کی ترقی کے لیے ٹرائلز ضروری ہیں، کپتان بسمہ معروف نے کہا کہ ٹرائلز کا فیصلہ ویمن کرکٹ  کی ترقی کا سبب بنے گا۔