کم سے کم 20 لاکھ لوگ اسلام آباد پہنچیں:عمران خان

تفصیلات کے مطابق چیئرمین پاکستان تحریک انصاف اور سابق وزیراعظم عمران خان نے لاہور میں ورکرز کنونشن سے خطاب کرتے ہوئے کہا کہ شہر شہر جاؤں گا اور لوگوں کو اسلام آباد مارچ کے لیے تیار کروں گا۔

انہوں نے کہا کہ یہ پاکستان کےمستقبل کی تحریک ہے، عید والے دن بھی آرام نہیں کرنا، کوئی آزادی لے کر نہیں دیتا قوم کو آزادی کے لیے جہاد کرنا پڑتا ہے، اسلام آباد میں کم ازکم 20 لاکھ لوگوں کو دیکھنا چاہتے ہیں۔

سابق وزیر اعظم نے میڈیا سے سوال کرتے ہوئے کہا کہ اب آزادی رائے کدھر گئی؟ کیا ہمارے زمانے میں کبھی اس طرح کا میڈیا بلیک آؤٹ ہوا، ہمارے زمانے میں میڈیا پر 80 فیص دپروگرام ہمارے خلاف ہوتے تھے، کون میڈیا کو دھمکی دے رہا ہے کہ تحریک انصاف کا بلیک آؤٹ کرو۔

عمران خان نےچیف الیکشن کمشنر سے استعفے کا مطالبہ کرتے ہوئے کہا کہ چیف الیکشن کمشنر ن لیگ کا ایجنٹ ہے، ہم اس کو تسلیم نہیں کرتے، اس کے سارے فیصلے ہمارے خلاف ہوتے ہیں۔

انہوں نے کہا کہ ہم ان کو کہتے رہے فارن فنڈنگ کیس تمام جماعتوں کا اکٹھا سنا جائے،تحریک انصاف کو اکیلا کٹہرےمیں کھڑا کیا ہوا ہے، ان سب کو پتا ہے تحریک انصاف کو پاکستان میں کوئی نہیں ہراسکتا،یہ سازش اسی لیے بنائی کہ کسی طرح فارن فنڈنگ میں کچھ ڈھونڈکرایکشن لیا جائے۔

چیئرمین تحریک انصاف نے کہا کہ شہباز شریف کوقومی سلامتی اجلاس میں بھی تسلیم کرنا پڑا کہ امریکی مراسلہ حقیقت ہے، آصف زرداری، شہباز شریف،تھری اسٹوجزسازش کا حصہ تھے۔

ان نے کہا کہ عدالتوں اور الیکشن کمیشن سے پوچھتا ہوں پاکستان کے خلاف اتنی بڑی سازش ہوئی، روزانہ کی بنیاد پر سماعت کرکےان کے خلاف ایکشن لیا جائے۔