وزیر اعظم کی بلاول بھٹو کو کابینہ کا حصہ بننے پر مبارکباد

سماجی رابطے کی ویب سائیٹ ٹوئیٹر پر وزیر ہاؤس کے آفیشل اکاؤنٹ سے جاری پیغام کے مطابق وزیر اعظم شہباز شریف نے بلاول بھٹو زرداری کو وفاقی وزیر کے طور پر حلف لینے پر مبارکباد دی ہے۔

وزیر اعظم شہباز شریف نے بلاول بھٹو سے ملاقات کی جس میں باہمی تعاون سے ملک کو درپیش چیلنجز پر جلد قابو پا لینے کے عزم کا اظہار کیا گیا۔

علاوہ ازیں ملک میں جمہوریت کے استحکام اور سماجی فلاح و بہبود کو یقینی بنانے کے لیے تمام سیاسی جماعتوں کے ساتھ مل کر کام کرنے پر اتفاق ہوا ہے۔

واضح رہے کہ بلاول بھٹو زرداری نے وزیر خارجہ کے طور پر حلف اٹھا لیا ہے، صدر مملکت ڈاکٹر عارف علوی نے ان سے حلف لیا۔

وزیر اعظم شہباز شریف،سابق صدر آصف علی زرداری سمیت وفاقی کابینہ کے اراکین اور پیپلز پارٹی کے رہنما بھی حلف برداری کی تقریب میں شریک تھے۔