وزیراعظم شہباز شریف سعودی عرب کےدورے پر روانہ

وزیراعظم کے ساتھ وزیر خارجہ بلاول بھٹو، محسن داوڑ اور شاہ زین بگٹی بھی ہیں۔ وزیراعظم کے دورہ سعودی عرب میں وزیر خزانہ مفتاح اسماعیل ساتھ ہوں گے۔

ذرائع وزارت خزانہ کا کہنا ہے کہ وزیراعظم دورے میں ساڑھےسات ارب ڈالر کے پیکج پر بات کریں گے، سعودی عرب سے رواں سال کے آخر تک 4 ارب ڈالر کی ادائیگیاں مؤخر کرنے کی بات کی جائے گی۔

ذرائع کے مطابق وزیراعظم بطور سیف ڈپازٹ مزید 2 ارب ڈالر پاکستان کے اکاؤنٹ میں رکھوانے کی درخواست کریں گے اور تیل کی فراہمی ایک ارب ڈالر سے بڑھا کر دو ارب ڈالر کرنے کی درخواست بھی کی جائے گی۔