تحریک انصاف کا حمزہ کے حلف سے متعلق عدالتی فیصلہ چیلنج کرنے کا اعلان

میڈیا رپورٹس کے مطابق ترجمان تحریک انصاف کا کہنا ہے کہ انٹرا کورٹ اپیل تیاری کی جارہی ہے جسے تحریک انصاف کے وکلا کچھ دیر میں ہائی کورٹ میں جمع کرائیں گے۔

انہوں نے کہا کہ وزیر اعظم کی پہلے سے بھجوائی گئی سمری ابھی ایوان صدرمیں موجود ہے، چنانچہ صدر یا پھر گورنر ہی کسی اورشخصیت کوحلف لینے کے لیے نامزد کرسکتے ہیں۔

واضح رہے کہ اس سے پہلے لاہور ہائی کورٹ نے اسپیکر قومی اسمبلی کو حمزہ شہباز سے کل صبح ساڑھے 11 بجے وزارت اعلیٰ پنجاب کا حلف لینے کا حکم دیا۔

جسٹس جواد حسن نے حمزہ شہباز کی حلف برادری کے لیے دائر تیسری درخواست پر 9 صفحات پر مشتمل تحریری فیصلہ جاری کرتے ہوئے اسپیکر قومی اسمبلی کو حمزہ شہباز سے حلف لینے کا حکم دیا ہے۔