پاکستان میں شوال کا چاند نظر آ گیا

سماجی رابطے کی ویب سائیٹ ٹوئیٹر پر جاری پیغام میں وزیر اعظم شہباز شریف نے اپنی اور اپنے اہل خانہ کی طرف سے عید کے چاند کی مبارک باد دی ہے۔

انہوں نے سرکاری ملازمین، سرحدوں کی حفاظت کرنے، اپنے پیاروں سے دور عید منانے والے جوانوں سے تعاون کرنے اور انہیں اپنا سمجھ کر پیار محبت سے پیش آنے کی ہدایت کی۔

واضح رہے کہ گزشتہ روز شوال کا چاند نظر نہیں آیا تھا جس کے بعد مرکزی رویت ہلال کمیٹی نے اعلان کیا تھا کہ عید 3 مئی بروز منگل ہو گی، تاہم بعد بعد خیبر پختنوخوا حکومت نے سرکاری طور پر 2 مئی کو عید منانے کا اعلان کیا۔

خیبرپختونخوا حکومت کے ترجمان بیرسٹر محمد علی سیف نے کہا کہ صوبہ بھر کے مختلف علاقوں سے شوال المکرم کا چاند دیکھنے کی 130 شہادتیں موصول ہوئیں،حکومت نے پیر 2 مئی کو سرکاری طور پر عیدالفطر منانے کا فیصلہ کیا ہے۔