ملک کے بیشتر حصوں میں آج موسم گرم اور خشک رہے گا

محکمہ موسمیات کی پیشگوئی کے مطابق آئندہ بارہ گھنٹوں کے دوران ملک کے بیشتر حصوں میں موسم شدید گرم اور خشک جبکہ میدانی علاقے شدید گرمی کی لپیٹ میں رہیں گے ۔ تاہم بالائی خیبرپختونخوا اور گلگت بلتستان میں کہیں کہیں گرج چمک کے ساتھ بارش کا امکان ہے۔

محکمہ موسمیات کے مطابق اسلام آباد میں موسم گرم اور خشک رہے گا، جبکہ اسلام آباد میں شام یا رات میں گر دآلود ہواوں کے ساتھ بارش کا امکان ہے۔

سندھ کے بیشتر علاقے شدید گرمی کی لپیٹ میں رہیں گے  جبکہ سکھر اور گردونواح میں گردآلود ہوائیں چلنے کا امکان ہے۔ صوبائی دارالحکومت  کراچی میں آج بھی موسم گرم اور مرطوب رہے گا ، محکمہ موسمیات کے مطابق شہر میں دن کے اوقات میں گرد آلود ہوائیں چلیں گی۔

خیبرپختونخوا کے بیشتر اضلاع میں موسم گرم اورخشک رہے گا جبکہ بلوچستان کے بیشتر علاقے شدید گرمی کے زیراثررہیں گے۔ کشمیر میں تیز ہواؤں اورگرج چمک کے ساتھ بارش کی توقع ہے۔

ملک کے مختلف  شہروں کادرجہ حرارت اسلام آباد 18  ڈگری سینٹی گریڈ، لاہور25  ، کراچی 28، پشاور 20، کوئٹہ 14، گلگت 11،مری 15اور مظفرآباد میں 17 ڈگری سینٹی گریڈ ریکارڈ کیا گیا ۔