آصف زرداری کے اوورسیز پاکستانیوں کے بیان پرافسوس ہے، علی محمد خان

پاکستان تحریک انصاف کے رہنما علی محمد خان نے اٹک میں جلسے سے خطاب کرتے ہوئے کہا ہے کہ مقامی قیادت کواتنا بڑا جلسہ کرنے پرمبارکباد دیتا ہوں۔

انہوں نے کہا کہ پاکستان کو سب نے مل کر بچانا ہے، یہ پاکستان تمھارے پاس امانت ہے، عالم اسلام آج پاکستان کی طرف دیکھ رہا ہے، آصف زرداری کے اوورسیز پاکستانیوں کے بیان پرافسوس ہے۔

علی محمد خان نے کہا ہے کہ فلسطین میں اسرائیلی تشدد پر فلسطینی پاکستان کی طرف دیکھتے ہیں، کیا ہم نے کشمیر کیلئے وہ کردار ادا کیا جو ہمیں کرنا چاہیے۔

پاکستان تحریک انصاف کے رہنما نے کہا کہ آصف زرداری نے کہا کہ اوورسیز پاکستانیوں کو پاکستان کی کوئی سمجھ نہیں، آصف زرداری کے بیان سے بہت افسوس ہوا۔

انہوں نے کہا کہ یہ لوگ اوورسیز پاکستانیوں سے ووٹ کا حق چھیننا چاہتے ہیں، آج پاکستان بچانے کیلئے خود پاکستانی باہر نکلے ہیں۔