بلوچستان میں تحریک عدم اعتماد پیش ہونے کے بعد صوبائی حکومت کو پہلا دھچکا

تفصیلات کے مطابق وزیر اعلیٰ بلوچستان میر عبدالقدوس بزنجو کے خلاف تحریک عدم اعتماد پیش ہونے کے بعد نوابزادہ طارق مگسی نے  ایس اینڈ جی اے ڈی کی وزارت سے استعفٰی دے دیا ہے۔

نوابزادہ طارق مگسی نے اپنا استعفی گورنر ہاؤس بھجوادیا ہے، بلوچستان عوامی پارٹی کے رکن نوابزادہ طارق مگسی کے پاس ایس اینڈ جی اے ڈی کی وزارت تھی۔

واضح رہے کہ تحریک انصاف کے رہنما اور سابق وزیراعلیٰ بلوچستان سردار یار محمد رند اور جام کمال کی طرف سے وزیراعلیٰ بلوچستان عبدالقدوس بزنجو کے خلاف تحریک عدم اعتماد پیش کی جا چکی ہے۔

میر عبدالقدوس بزنجو کے خلاف  تحریک عدم اعتماد جمع کرانے کے لیے جام کمال، ظہور بلیدی یار محمد رند سمیت 14 ممبران صوبائی اسمبلی  نے دستخط کیے۔