وزیراعلیٰ بلوچستان میر عبدالقدوس بزنجو کا بڑا اقدام

میڈیا ذرائع کے مطابق وزیراعلیٰ بلوچستان عبدالقدوس بزنجو نے تحریک عدم اعتماد پر دستخط کرنے والے وزراء اور پارلیمانی سیکریٹریز کو برطرف کر دیا ہے۔

صوبائی وزراء مشیر اور پارلیمانی سیکریٹریز کو ان کے عہدوں سے سبکدوش کرنے کی ایڈوائزری سی ایم ہاؤس سے جاری کر دی گئی ہے۔

برطرف کیے جانے والوں میں صوبائی وزیر نوابزادہ طارق مگسی، پاکستان تحریک انصاف کے مبین خلجی، نعمت اللہ زہری، بی اے پی کے مٹھا خان اور اے این پی کے ملک نعیم  بازئی کے نام شامل ہیں۔

واضح رہے کہ بی اے پی کے سربراہ او سابق وزیراعلیٰ جام کمال خان، تحریک انصاف کے پارلیمانی لیڈر سردار یار محمد رند اور عوامی نیشنل پارٹی کے پارلیمانی لیڈر اصغر خان اچکزئی نے وزیر اعلیٰ عبدالقدوس بزنجو کے خلاف تحریک عدم اعتماد جمع کروائی ہے۔