'خان سچا ہے، دنیا نکل آئی'

مائیکرو بلاگنگ ویب سائیٹ ٹوئیٹر پر جاری پیغام میں پاکستان تحریک انصاف کے رہنما شہباز گل نے کارکنا کا شکریہ ادا کرتے ہوئے کہا کہ عمران خان کی آنکھوں میں آج صبح آپ سب پر بہت بھروسہ تھا، میں ڈر رہا تھا کہ کہیں یہ بھروسہ ٹوٹ نہ جائے۔

شہباز گل نے کہا کہ عمران خان نے مجھے صبح پہلی بات یہ کی تھی  کہ شہباز، آج دنیا بہت نکلنی ہے، کارکنان کو پیغام دے دو کہ خواتین اور بزرگوں کا خیال رکھیں، خان سچا ہے، دنیا نکل آئی ہے۔

واضح رہے کہ چیئرمین پاکستان تحریک انصاف عمران خان کی قیادت میں خیبر پختونخوا سے کارکنان کا بڑا قافلہ اسلام آباد کی جانب لانگ مارچ کر رہا ہے۔ پارٹی قیادت نے کارکنان کو ڈی چوک پہنچنے کی ہدایت جاری کر رکھی ہے۔