پی ٹی آئی رہنما حماد اظہر کو گرفتار کر لیا گیا

میڈیا ذرائع کے مطابق وزیر آباد پولیس کی جانب سے حماد اظہر سمیت پاکستان تحریک انصاف کے 50 کارکنان سمیت حماد اظہر کو گرفتار کر لیا گیا ہے۔

اس سے قبل حماد اظہر نے اپنے ٹوئیٹر پیغام میں کہا تھا کہ اس حکومت کو معلوم ہے کہ پاکستان کی عوام ان سے نفرت کرتے ہیں، انہوں نے عوام کے خوف سے پورے ملک کو جنگ کا میدان بنا دیا ہے۔

انہوں نے کہا کہ جبر سے کبھی قوموں کو دبایا نہیں جا سکتا، میرا سنجیدہ مشورہ ہے کہ حکومت اب صرف اپنے پرامن رخصت کی حکمت عملی بنائے۔

واضح رہے کہ پاکستان تحریک انصاف کے کارکنان کے قافلے ملک بھر سے چیئرمین پی ٹی آئی کی کال پر اسلام آباد کی جانب مارچ کر رہے ہیں۔ 

خیبرپختونخوا سے اسلام آباد مارچ کرنے والے قافلوں کی قیادت سابق وزیر اعظم عمران خان نے خود کی جبکہ پنجاب سے نکلنے والے قافلوں کو پولیس کے شدید کریک ڈاؤن کا سامنا رہا۔