وزیر اعظم شہباز شریف کی زیر صدارت انرجی ٹاسک فورس کا اجلاس ہوا، جس میں وفاقی وزیر توانائی انجینئر خرم دستگیر، وفاقی وزیر خزانہ مفتاح اسماعیل، وفاقی وزیر منصوبہ بندی احسن اقبال، وفاقی وزیر اطلاعات و نشریات مریم اورنگزیب، وزیر مملکت پٹرولیم مصدق ملک اور متعلقہ اعلیٰ افسران نے شرکت کی۔

اجلاس میں چاروں صوبوں کے چیف سیکرٹریز بذریعہ ویڈیو لنگ اجلاس میں شریک ہوئے۔

اجلاس میں ملک میں شمسی توانائی کے فروغ کے حوالے سے کیے جانے والے اقدامات پر تفصیلی بریفنگ دی گئی، اور بتایا گیا کہ ملک میں ایندھن سے چلنے والے پاور ہاؤسز کو شمسی توانائی پر منتقل کرنے اور 11 کے وی کے 2000 فیڈرز پر شمسی توانائی کی پیداوار کی تجویز بھی زیرِ غور ہے۔

اجلاس میں ملک بھر میں سرکاری عمارات کی شمسی توانائی پر منتقلی کی تجویز کے حوالے سے تفصیلی جائزہ لیا گیا، اور بتایا گیا کہ اگلے 10 سالوں میں سرکاری عمارتوں پر 1000 میگاواٹ تک کے شمسی توانائی پیدا کرنے کے پلانٹس لگائے جائیں گے۔

اجلاس کو بریفنگ دی گئی کہ ملک میں ٹیوب ویلز کی سولرائزیشن بھی کی جائے گی، حکومتی فنڈنگ سے بلوچستان میں ٹیوب ویلز کو شمسی توانائی پر منتقل کرنے کا منصوبہ زیرِ غور ہے، جس کے ذریعے سے صوبے میں 30 ہزار ٹیوب ویلز کو شمسی توانائی پر منتقل کیا جائے گا، اور اس منصوبے پر 300 بلین روپے کی لاگت آئے گی۔

اجلاس کو مزید بتایا گیا کہ شہریوں کو شمسی توانائی پیدا کرنے کے پلانٹس، جن میں نیٹ میٹرنگ کی سہولت بھی موجود ہو، مہیا کرنے پر غور کیا جارہا ہے۔

اجلاس میں سولر اور گرین انرجی پر منتقلی کے حوالے سے اہم اعلانات کرتے ہوئے یہ فیصلہ کیا گیا کہ یکم اگست کو قومی سولر انرجی پالیسی کا اعلان کیا جائے گا، پالیسی کا نفاذ مشترکہ مفادات کونسل کی منظوری سے مشروط ہوگا۔ جب کہ یہ فیصلہ بھی کیا گیا کہ ہنگامی بنیادوں پر وزیراعظم ہاؤس اور وزیراعظم آفس کی عمارات شمسی توانائی پر منتقل ہوجائیں گی، اس سلسلے میں متعلقہ حکام کو احکامات جاری کردیئے گئے ہیں۔

اس موقع پر وزیراعظم شہبازشریف کا کہنا تھا کہ عوام کو سستی اور ماحول دوست بجلی کی فراہمی حکومت کی اولین ترجیح ہے، اور کوشش ہے کہ ملک کو توانائی کے شعبے میں خود کفیل بنائے۔

وزیراعظم کا کہنا تھا کہ شمسی توانائی بجلی پیدا کرنے کا ایک صاف،سستا اور ماحول دوست ذریعہ ہے، اور اس سے پیدا کی گئی بجلی سستی ہوگی، عوام پر مہنگائی کا بوجھ کم ہوگا۔

شہبازشریف نے کہا کہ ہم پاکستان کی پہلی جامع سولر انرجی پالیسی سامنے لا رہے ہیں، پالیسی کا نفاذ صوبوں کی باہمی مشاورت سے ہوگا۔

وزیراعظم نے سولر انرجی ٹاسک فورس کی تجاویز کو سراہتے ہوئے کہا کہ تمام صوبوں کو ان تجاویز سے آگاہ کر کے ان کی رائے لی جائے، متبادل توانائی کے تمام منصوبوں میں صوبوں کی ہم آہنگی ہو۔

کشمیر پریمیئر لیگ کے سوشل میڈیا اکاؤنٹ پر سابق کپتان شاہد آفریدی کو دوسرے سیزن کے لیے برانڈ ایمبیسیڈر مقرر کیے جانے کی تصدیق کی گئی۔

کے پی ایل کے سوشل میڈیا اکاؤنٹ پر جاری بیان میں بتایا گیا شاہد آفریدی کے بطور برانڈ ایمبیسیڈر تقرری کی تقریب جیو سوپر پر براہ نشر کی جائے گی۔

🌟 Signing Ceremony between KPL and @SAfridiOfficial as a Brand Ambassador for KPL Season 2. Watch the live telecast of the press conference on @geosupertv at 4:00 pm sharp.

📺 Don't forget to tune in!#KPL #KheloAazadiSe #KPL2022 pic.twitter.com/7YeL1ZadA7

— Kashmir Premier League (@kpl_20) July 7, 2022

برطانوی وزیر اعظم بورس جانسن نے باقاعدہ پریس کانفرنس کرتے ہوئے مستعفیٰ ہونے کا اعلان کیا۔

یاد رہے برطانوی وزیراعظم بورس جانسن کی کابینہ کے 50 ارکان نے ان پر اعتماد نہ ہونے کی وجہ سے استعفے دے دیے ہیں۔

وزیراعظم ہاؤس کے ترجمان نے کہا ہے کہ وزیراعظم بورس جانسن آج قوم کے نام ایک بیان جاری کریں گے۔