آڈیوٹیپ نے عمران خان کی اصلیت بے نقاب کردی : وزیر اعظم

تفصیلات کے مطابق سماجی رابطے کی سائٹ ٹوئٹر پر جاری  بیان میں وزیراعظم  شہباز شریف نے کہا کہ اپنے دعوؤں کے برعکس، انہوں نے خود کو اور اپنی حکومت کو بچانے کے لیے این آر او مانگا۔

 انہوں نے کہا کہ تمام کوششیں ناکام ہونے کے بعد غیر ملکی سازش کی جعلی کہانی گھڑی گئی ،  وزیراعظم نے مزید کہا کہ ان کا جھوٹ بے نقاب ہو چکا ہے۔ 

خیال رہےکہ گزشتہ روز پاکستان کے  پراپرٹی ٹائیکون ملک ریاض کی سابق صدر اور پیپلز پارٹی  شریک چیئرمین آصف علی زرداری کے ساتھ گفتگو کی مبینہ آڈیو سامنے آئی تھی ۔ جس میں  ملک ریاض جن کے تمام ہی لوگوں کے ساتھ اچھے روابط ہیں، وہ آڈیو میں یہ کہتے سنائی دے رہے ہیں کہ ’خان کے پیغامات آرہے ہیں کہ مصالحت کروادیں‘۔

دوسری جانب پی ٹی آئی کی جانب سے آڈیو ٹیپ کو من گھڑت اور جعلی قرار دیا گیا ہے ۔