سعودی عرب نے روٹ ٹو مکہ پروگرام کا باقاعدہ آغاز کردیا

سعودی وزارت داخلہ کے مطابق روڈ ٹو مکہ پروگرام میں ابتدائی طور پر پاکستان، انڈونیشیا، ملیشیا، مراکش اور بنگلہ دیش کو شامل کیا گیا ہے، یہ پروگرام سعودی عرب کے وسیع تر اصلاحات اور ترقی کی علامت سمجھے جانے والے وژن 2030ء کا حصہ ہے۔

سعودی وزارتِ داخلہ کا کہنا ہے کہ روٹ ٹو مکہ اقدام کا مقصد عازمین کو اپنے ممالک سے آسانی کے ساتھ وصول کرنا اور ان کے حج کے طریقِ کار ان کے ملک میں ہی مکمل کرنا ہے، اس میں آن لائن حج ویزہ جاری کرنا اور ایئر پورٹ پر پاسپورٹ کے طریقہ کار کی تکمیل جیسے عوامل شامل ہیں۔

روٹ ٹو مکہ منصوبے کے تحت عازمین حج کو سعودی عرب آنے کے بعد سامان کے لیے پریشان نہیں ہونا پڑتا کیونکہ ان کا امیگریشن ان کے ملکوں میں ہی کرکے سامان لے لیا جاتا ہے،سعودیہ آمد پر صرف بارکوڈ اسکین کرکے انہیں بسوں میں سوار کر دیا جاتا ہے۔