پیٹرولیم مصنوعات کی قیمتوں میں مزید اضافہ ہوسکتا ہے: شاہد خاقان عباسی

تفصیلات کے مطابق رہنما مسلم لیگ ن اور سابق وزیراعظم شاہد خاقان عباسی نے کہا ہے کہ اگر بین الاقوامی سطح پر تیل کی قیمتیں کم نہ ہوئیں تو پیٹرول اور ڈیزل کی قیمت بڑھانی پڑے گی۔

انہوں نے پیٹرولیم مصنوعات پر دی جانے والی سبسڈی سے متعلق کہا کہ پیٹرول پر 9 روپے اور ڈیزل پر 28 روپے سبسڈی ہے، یہ سبسڈی نہیں بلکہ قرض بڑھ رہا ہے۔

سابق وزیر اعظم کا مزید کہنا تھا کہ وقت کے ساتھ یہ قیمتیں ایڈجسٹ یا بڑھانی پڑے گیں، بجٹ میں جتنا ممکن ہو سکا ریلیف دیں گے.

واضح رہے کہ نئی حکومت کی جانب سے پیٹرولیم مصنوعات کی قیمتوں میں پہلے ہی 60 روپے تک کا اضافہ کیا جا چکا ہے، حکومت مؤقف ہے کہ تحریک انصاف کی حکومت نے اپنے دور میں جان بوجھ کر پیٹرولیم مصنوعات کی قیمتوں میں اضافہ نہیں کیا جو کہ غلط ہے۔