ڈالر کی اونچی اڑان ، انٹر بینک میں ڈالر 212 روپے کا ہوگیا 

ملک میں ڈالر کی اونچی اڑان کا سلسلہ جاری ہے اور روپیہ کی قدر مسلسل گرتی جارہی ہے ، ڈالر میں اضافے کے باعث ملکی قرضوں میں اضافہ ہورہا ہے۔

انٹربینک کے مقابلے میں اوپن مارکیٹ میں  ڈالر کی تاریخ کی نئی بلندیوں تک پہنچ گیا اور ایک امریکی ڈالر 213 روپے پر خریدا جارہا اور 215 پر فروخت جاری ہے۔

واضح رہے کہ گزشتہ روز انٹر بینک میں ڈالر 1 روپے 21 پیسے کا اضافہ ہوا جس سے ایک ڈالر 209  روپے 96 پیسے پربند ہوا تھا۔

دوسری جانب آئی ایم ایف پروگرام کی بحالی بھی اب تک معمہ بنی ہوئی ہے، ایک دو دن میں معاملات طے نہ ہوئے تو صورتحال مزید خطرناک ہوسکتی ہے۔