ترکیہ کے ساتھ تعلقات کو خصوصی اہمیت دیتے ہیں، آرمی چیف

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ سے ترکیہ کے سفیر نے ملاقات کی اور علاقائی سلامتی کی صورتِ حال، باہمی و پیشہ ورانہ دلچسپی کے امور پر تبادلہ خیال کیا۔

دونوں برادر ممالک کے درمیان دفاعی و سلامتی کے شعبوں میں تعاون پر بھی تبادلہ خیال کیا گیا۔ ملاقات میں آرمی چیف نے کہا کہ پاکستان ترکیہ کے ساتھ تاریخی، مذہبی اور تقافتی تعلقات کو خصوصی اہمیت دیتا ہے۔

آئی ایس پی آر کے مطابق ترکیہ کے سفیر نے علاقائی امن و استحکام کے لیے پاکستان کے کردار کو سراہا۔ سفیر نے پاکستان کے ہر سطح پر سفارتی تعاون مزید بڑھانے کے عزم کا اعادہ کیا۔