پی پی7 راولپنڈی: ن لیگ کے راجہ صغیر کی کامیابی کا نوٹی فکیشن جاری

تفصیلات کے مطابق الیکشن کمیشن آف پاکستان نے پی پی 7 سے مسلم لیگ ن کے راجہ صغیر کی کامیابی کا  باضابطہ نوٹی فکیشن جاری کر دیا۔

ان نتائج کے بعد وزیراعلی ٰ پنجاب کے انتخاب کیلئے مسلم لیگ ن کا ایک ووٹ اور بڑھ گیا  ہے اب راجہ صغیر بھی وزارت اعلی پنجاب کے انتخاب میں حصہ لے سکیں گے ۔ 

الیکشن کمیشن نے تحریک انصاف کے امیدوارشبیراعوان کی دوبارہ گنتی کی درخواست کو گزشتہ روز مسترد کردیا تھا ۔ حلقے میں دوبارہ گنتی کے حوالے سے ریٹرننگ افسرکے حتمی نتائج علی الصبح الیکشن کمیشن کوموصول ہوگئے۔

 پی پی 7 کہوٹہ کلرسیداں میں مسترد شدہ ووٹوں کی جانچ پڑتال مکمل کر لی گئی جس کے بعد آر او نے پی پی 7 کے نتائج جاری کر دیے۔

آر او نے پی پی 7 کے مسترد ووٹوں کی جانچ پڑتال رات ڈھائی بجے مکمل کر کے نتائج جاری کیے۔

ووٹوں کی جانچ پڑتال کے بعد ن لیگ کے راجہ صغیر کے ووٹوں میں 12 ووٹوں کا اضافہ ہوا۔ راجہ صغیر کے 6 ووٹ بڑھنے کے بعد ووٹ 68 ہزار 918 ہوگئے ہیں ۔

اس سے پہلے ان کے ووٹ 68 ہزار 906 تھے، شبیراعوان کے ووٹ 68 ہزار 857 تھے، اب ان کے ووٹوں کی تعداد 68 ہزار 863 ہے۔

راجہ صغیر کے نوٹی فکشن کے بعد ن لیگ اور اتحادیوں کے ارکان کی تعداد 179 ہو گئی۔ مسترد ووٹوں کی جانچ پڑتال میں پی ٹی آئی کے امیدوار شبیر اعوان کے ووٹوں میں 6 ووٹوں کا اضافہ ہوا۔

آزاد امیدوار راجہ وسیم احمد کے ووٹوں میں 8 ووٹوں اور نزاکت حسین کے ووٹوں میں 5 ووٹوں کا اضافہ ہواہے ۔