ہم نے عمران خان کا بوجھ اپنے سر اٹھایا ہے:سعد رفیق

اپنے ایک بیان میں لیگی رہنما خواجہ سعد رفیق نے کہا کہ ہم نے ملک بچانے کے لیے مشکل فیصلے کیے، ہمیں ضمنی الیکشن کی طرف دھکیل دیا گیا۔

انہوں نے کہا کہ عمران خان اور ان کے ساتھیوں کا رویہ منافقانہ ہے، عمران خان پاکستان کو سری لنکا بنانا چاہتے ہیں، چیئرمین نیب کی تقرری پر کوئی انگلی نہیں اٹھا سکتا۔

خواجہ سعد رفیق نے کہا کہ تیل کی قیمتیں اپنے مفاد کے لیے نہیں ملک کو معاشی بحران سے بچانے کے لیے بڑھائیں، دوسروں کو لوٹا کہنے والے عمران خان خود ہارس ٹریڈنگ کے ماہر ہیں۔

ان کا کہنا تھا کہ تحریک انصاف کے صدر، ڈپٹی اسپیکر اور اسپیکر آئین شکن ہیں، عمران خان ملک کے تمام اداروں پر اپنا قبضہ چاہتے ہیں،آج پنجاب میں ووٹ چوروں اور جمہوریت کے پاسداروں کا مقابلہ ہے۔