پی ٹی آئی کا ڈپٹی اسپیکر پنجاب اسمبلی کے خلاف بڑے ایکشن کا فیصلہ

سماجی رابطے کی ویب سائیٹ ٹوئیٹر پر جاری پیغام میں پاکستان تحریک انصاف کے سینیئر رہنما فواد چودھری نے کہا کہ صوبائی اسمبلی کے اجلاس میں غیر ضروری تاخیر سپریم کورٹ کے واضع احکامات کی خلاف ورزی  ہے۔

انہوں نے کہا کہ وکلاء کو توہین عدالت کی کارروائی کے لیے کہہ دیا ہے، اب سے کچھ دیر بعد ڈپٹی اسپیکر کے خلاف توہین عدالت کی درخواست سپریم کورٹ میں دائر کی جا رہی ہے۔

واضح رہے کہ سپریم کورٹ کے احکامات کے مطابق پنجاب اسمبلی کا اجلاس 4 بجے طلب کیا جانا تھا جو کہ مسلسل تاخیر کا شکار ہے، اجلاس کی صدارت ڈپٹی اسپیکر دوست مزاری کریں گے۔