قوم عمران خان کے خطاب کا انتظار کرے:شہباز گل

سماجی رابطے کی ویب سائیٹ ٹوئیٹر پر جاری پیغام میں سابق وفاقی وزیر فواد چودھری نے بھی کہا کہ عمران خان کچھ دیر بعد عوام سے خطاب کریں گے۔

واضح رہے کہ حمزہ شہباز دوبارہ وزیراعلیٰ پنجاب منتخب ہو گئے، ڈپٹی اسپیکر پنجاب اسمبلی دوست محمد مزاری کی رولنگ کے بعد مسلم لیگ کے اراکین کی جانب سے کاسٹ کیے گئے تمام ووٹ مسترد قرار دیے گئے جس سے حمزہ شہباز کی پوزیشن مضبوط ہو گئی۔

پنجاب اسمبلی میں ہونے والی ووٹنگ میں پاکستان تحریک انصاف کے امیدوار پرویز الہیٰ نے 186 ووٹ حاصل کیے جبکہ مسلم لیگ ن کے حمزہ شہباز کو مجموعی طور 179 ووٹ پڑے۔

ووٹنگ کا عمل مکمل ہونے کے بعد ڈپٹی اسپیکر دوست مزاری نے نتائج کا اعلان کرتے ہوئے ق لیگ کے سربراہ چودھری شجاعت کے خط کو پڑھ کر سنایا جس میں انہوں نے ق لیگ کے ممبران اسمبلی کو ووٹ نہ ڈالنے کی ہدایت کی تھی۔

ڈپٹی اسپیکر دوست محمد مزاری نے کہا کہ سپریم کورٹ کے فیصلے کے مطابق ق لیگ کے کاسٹ کیے گئے تمام ووٹ مسترد ہوتے ہیں، اعلان کرتا ہوں کہ 10 ووٹ ختم ہونے کے بعد حمزہ شہباز وزیراعلیٰ پنجاب منتخب ہوگئے ہیں۔