ڈی آئی خان: سیکیورٹی فورسز اور دہشتگردوں کے درمیان جھڑپ، لانس نائیک شہید

 پاک فوج کے شعبہ تعلقات عامہ (آئی ایس پی آر) نے اس حوالے سے بتایا ہے کہ سیکیورٹی فورسز اور دہشت گردوں کے درمیان جھڑپ ڈی آئی خان کے علاقے درابن میں ہوئی ہے۔

آئی ایس پی آر کے مطابق جھڑپ کے دوران ہونے والی فائرنگ کے تبادلے میں لانس نائیک مجیب الرحمان شہید ہو گئے ہیں۔

سیکیورٹی فورسز نے دہشت گردوں کی جانب سے کی جانے والی فائرنگ کا مؤثر انداز میں جواب دیا ہے۔

آئی ایس پی آر کے مطابق ممکنہ دہشت گردوں کے خاتمے کے لیے علاقے میں سرچ آپریشن جاری ہے۔