مالی سال 2021-22 کا مالی خسارہ 17 ارب ڈالرز سے تجاوز کرگیا

اسٹیٹ بینک آف پاکستان کی جانب سے جاری کر دہ اعداد و شمار کے مطابق گزشتہ مالی سال جاری کھاتہ کا خسارہ 17 ارب 40 کروڑ ڈالر رہا، تجارتی خسارہ 39 ارب 59 کروڑ ڈالر جبکہ اشیاء و خدمات کی تجارت کا مجموعی خسارہ 44 ارب 77 کروڑ ڈالر رہا۔

جاری اعداد و شمار مالی سال 22-2021 میں برآمدات 32.45 ارب ڈالر رہیں، درآمدات 72 ارب ڈالر کی تاریخی بلند ترین سطح پر پہنچ گئیں۔

جون کے مہینے میں جاری کھاتے کا خسارہ 2 ارب 27 کروڑ ڈالر رہا، جون میں برآمدات کی مالیت 3 ارب 11 کروڑ ڈالر اور درآمدات کی مالیت 7 ارب ڈالر رہیں جس سے جون کا تجارتی خسارہ 3 ارب 92 کروڑ ڈالر رہا۔ 

یاد رہے کہ مالی سال 21-2020 میں جاری کھاتہ کو 2 ارب 82 کروڑ ڈالر کا خسارہ ہوا تھا، گزشتہ سے پیوستہ سال تجارتی خسارہ 28 ارب 63 کروڑ ڈالر ریکارڈ کیا گیا تھا اور درآمدات 54 ارب 27 کروڑ جبکہ برآمدات 25 ارب 63 کروڑ ڈالر رہی تھیں۔