فلپائن میں7.1 شدت کا زلزلہ، 5 افراد ہلاک

غیر ملکی میڈیا رپورٹس کے مطابق زلزلہ فلپائن کے جزیرے لوزن میں آیا جس کی شدت 7.1 ریکارڈ کی گئی ہے، زلزلے کے جھٹکے دارالحکومت منیلا میں بھی محسوس کیے گئے جہاں متعدد عمارتوں کو خالی کرا لیا گیا ہے۔

بتایا گیا ہے کہ مجموعی طور پر زلزلے سے 64 افراد زخمی جبکہ 173 عمارتوں کونقصان پہنچا، زلزلے کے باعث 5 افراد ہلاک بھی ہوئے ہیں جبکہ مزید ہلاکتوں کا خدشہ ظاہر کیا جا رہا ہے۔

میڈیا رپورٹس میں مزید بتایا گیا ہے کہ زلزلے کے بعد متاثرہ علاقوں میں 200 کے قریب آفٹر شاکس محسوس کیے گئے ہیں، ریاستی زلزلہ پیما ایجنسی کے ڈائریکٹر نے بتایا کہ زلزلے کا مرکز ابرا اور قریبی صوبوں کے پاس تھا اور یہ ایک بڑا زلزلہ ہے۔