بجلی کی قیمت میں 9 روپے 89 پیسے فی یونٹ اضافے کی منظوری

تفصیلات کے مطابق سی پی پی اے کی بجلی مہنگی کرنے کی درخواست پر نیپرا میں سماعت ہوئی ۔ نیپرا نے بجلی 9 روپے 89 پیسے فی یونٹ مہنگی کرنے کی منظوری دے دی۔

نیپرا کے مطابق ماہانہ فیول ایڈجسٹمنٹ کی مد میں بجلی جون کےلیے مہنگی  کی گئی ہے ، اضافے سےصارفین پر ایک ارب 33 کروڑ کا بوجھ  پڑے گا۔

چئیرمین نیپرا نے سماعت کے دوران کہا کہ اس وقت گھریلو صارف بجلی کے بل میں 29 فیصد اور صنعتی صارف 42 فیصد ٹیکس دیتا ہے۔نیپرا ٹیکس وصول کرنے والی اتھارٹی نہیں۔

ان  کا کہنا ہے کہ اس معاملے پر سابق وزیر خزانہ شوکت ترین سے ملاقات کرکے یہ اشو اٹھایا تھا۔سابق وزیر خزانہ کو کہا تھا کہ اس ٹیکس والے معاملےسے ہمیں نکال دیں۔

انہوں نے کہا کہ سابق وزیر خزانہ کہتے تھے کہ ٹیکس لینا حکومت کا کام ہے ، نیپرا ٹیرف کا تعین درست کرے ۔ موجودہ وزیر خزانہ سے ملاقات ان کی مصروفیت کی وجہ سے نہیں ہوئی۔

واضح رہے کہ سی سی پی اے نے 9 روپے 90  پیسے جون کے مہینے میں بجلی مہنگی کرنے کی درخواست دی ہے۔