سری لنکا نے پاکستان کودوسرے ٹیسٹ میں شکست دیدی

تفصیلات کے مطابق پاکستان اور سری لنکا کے درمیان کھیلے گئے 2 ٹیسٹ میچوں کی سیریز ایک ایک سے برابر ہو گئی ۔ 

پاک سری لنکا دوسرے ٹیسٹ کے پانچویں روز کا میچ گال اسٹیڈیم میں کھیلا گیا ۔ میزبان ٹیم کی جانب سے دیے گئے 508 رنز کے ہدف کے تعاقب میں قومی ٹیم 261 رنز بنا سکی۔

 گال ٹیسٹ میچ کے آخری روز پاکستان نے اننگز کا آغاز کیا تو اوپنر امام الحق جلد وکٹ گنوا بیٹھے انہوں نے 49 رنز بنائے۔

بلے باز محمد رضوان 37 رنز بنا کر پویلین لوٹ گئے جبکہ فواد عالم صرف ایک بنا کر رن آؤٹ ہوگئے اور آغا سلمان 4 رنز بنا کر جے سوریا کی گیند پر کیچ آؤٹ ہوئے اور یوں قومی ٹیم مشکلات کا شکار ہو گئی۔

قومی ٹیم کے کپتان بابراعظم 81 رنز بنا کر ایل بی ڈبلیو آؤٹ ہو گئے اور امید کی کرن بھی دم توڑ گئی تاہم پاکستان کو میچ ڈرا کرنے کے لیے آج کا پورا دن وکٹ پر گزارنا ہو گا۔

کھلاڑی محمد نواز بھی بابر اعظم کے جاتے ہی 12 رنز بنا کر آؤٹ ہو گئے ۔ یاسر شاہ بھی 27 رنز بنا کر جے سوریا کی گیند پر کیچ آؤٹ ہو گئے جبکہ حسن علی 11 رنز بنا کر مینڈس کی گینڈ پر بولڈ ہو گئے۔ نسیم شاہ بھی 18 رنز بنا کر مینڈس کی گیند پر آؤٹ ہوئے۔

دوسری جانب سری لنکا کی جانب سے پربت جے سوریا نے 5 جبکہ رمیش مینڈس نے 4 وکٹیں حاصل کی۔

Sri Lanka win the second Test by 246 runs to square the series 1-1 ?#SLvPAK | #BackTheBoysInGreen pic.twitter.com/U3zMgOvyNq

— Pakistan Cricket (@TheRealPCB) July 28, 2022