غلام محمود ڈوگر سی سی پی او لاہور تعینات

تفصیلات کے مطابق وزارت داخلہ پنجاب کی جانب سے غلام محمود ڈوگر کی  بطور سی سی پی او لاہور تعیناتی کا نوٹیفکیشن بھی جاری کر دیا گیا ہے۔

ایڈیشنل آئی جی غلام محمود ڈوگر کا تعلق اکیسویں کامن سے ہے ،  غلام محمود ڈوگر نے 1993 میں بطور اے ایس پی پولیس سروسز آف پاکستان جوائن کی ، کیرئیر کے آغاز میں انہوں نے بطور اے ایس پی نواب شاہ سندھ،  اے ایس پی بنوں عاقل،  اے ایس پی خیرپور فرائض سرانجام دئیے۔ 

 غلام محمود ڈوگر اقوام متحدہ امن بحالی مشن ( یو این پیس کیپنگ مشن)  میں بھی اپنی خدمات سرانجام دے چکے ہیں۔ وہ  بطور سی ٹی او لاہور،  ڈی آئی جی آپریشنز لاہور بھی فرائض سرانجام دے چکے ہیں۔ 

یاد رہے کہ  اس وقت غلام محمود ڈوگر  ایڈیشنل آئی جی لاجسٹک اینڈ پروکیورمنٹ کے عہدے پر کام کر رہے تھے ۔