تحریک انصاف کے افتخار مہمند نے جے یو آئی میں شمولیت اختیار کر لی

میڈیا رپورٹس کے مطابق خیبرپختونخوا کے سابق وزیر تعلیم افتخار مہمند نے پاکستان تحریک انصاف سے علیحدگی اختیار کر لی ہے۔

بتایا گیا ہے کہ افتخار مہمند نے تحریک انصاف سے استعفیٰ دے کر جمعیت علمائے اسلام (جے یو آئی) میں شمولیت اختیار کر لی ہے۔

رپورٹس کے مطابق افتخار مہمند نے جے یو آئی میں شمولیت کا اعلان مولانا فضل الرحمان کے ہمراہ پشاور میں منعقدہ پریس کانفرس کے دوران کیا۔

یاد رہے کہ افتخار مہمند سال 2018ء میں پاکستان تحریک انصاف کا حصہ بنے تھے، قبل ازیں وہ پیپلز پارٹی، عوامی نیشنل پارٹی اور مسلم لیگ کے مختلف دھڑوں کا حصہ رہ چکے ہیں۔