ملک میں محرم الحرام کا چاند نظر نہیں آیا، یکم محرم الحرام 31 جولائی کو ہوگی

تفصیلات کے مطابق محرم الحرام کا چاند دیکھنے کے لیے مرکزی رویت ہلال کمیٹی کا اجلاس کوئٹہ میں چیئرمین مولانا عبدالخبیر آزاد کی زیر صدارت ہوا۔

میڈیا ذرائع کے مطابق اجلاس کے بعد چیئرمین رویت ہلال کمیٹی نے اعلان کیا کہ ملک میں کہیں سے بھی چاند نظر آنے کی شہادت موصول نہیں ہوئی۔

مرکزی رویت ہلال کمیٹی کی جانب سے اعلان کیا گیا کہ یکم محرم الحرام 31 جولائی بروز اتوار کو ہوگی، یوم عاشور 9 اگست بروز منگل کو ہوگا۔