وزیر اعظم شہباز شریف اور بل گیٹس کے درمیان ٹیلی فونک رابطہ

میڈیا رپورٹس کے مطابق ٹیلی فونک رابطے میں بل اینڈ میلنڈا گیٹس فاونڈیشن کے پاکستان میں صحت اور سماجی شعبے کے  پروگرامز پر تبادلہ خیال کیا گیا۔

گفتگو میں وزیراعظم نے بل اینڈ میلنڈا گیٹس فاؤنڈیشن کی پولیو کے خاتمے میں مدد کو سراہتے ہوئے کہا کہ ملک سے پولیو کے خاتمے کے لیے حکومت پاکستان پرعزم ہے۔

دوسری جانب مائیکرو سافٹ کے بانی بل گیٹس نے پولیو کے بڑھتے ہوئے کیسز پر اظہار تشویش کرتے ہوئے پاکستان کی مدد جاری رکھنے کی یقین دہانی کروائی۔