میڈیکل بورڈ کا شہباز گل کو فوری ڈسچارج نہ کرنے کا فیصلہ

میڈیا رپورٹس کے مطابق شہباز گل کل صبح تک پمز اسپتال میں ہی زیر علاج رہیں گے، شہباز گل کے کیے جانے والے کچھ میڈیکل ٹیسٹوں کی رپورٹس رات کو موصول ہوں گی۔

بتایا گیا ہے کہ شہباز گل کے کیے جانے والے تمام ٹیسٹوں کے نتائج کو پیش نظر رکھ کر ہی یہ فیصلہ کیا جائے گا کہ انہیں ڈسچارج کرنا ہے یا نہیں۔

دوسری جانب شہباز گل کی لیگل ٹیم بھی پمز اسپتال پہنچ گئی ہے جبکہ لیگل ٹیم نے کورٹ کا تحریری حکمنامہ بھی وہاں متعین پولیس حکام کے حوالے کردیا ہے۔

میڈیا ذرائع کے مطابق شہباز گل کی لیگل ٹیم کے ہمراہ تحریک انصاف کے سابق وفاقی وزیر مراد سعید بھی تھے تاہم انہیں دروازے پر ہی روک لیا گیا۔