"بس بہت ہوگیا " ، عمران خان پشاور جلسے میں کیا کرنے جارہے ہیں ؟ بڑی خبرآگئی

پی ٹی ائی چیئرمین اور سابق وزیراعظم عمران خان نے موجودہ سیاسی صورتحال کے بعد اپنا ردِ عمل دیدیا ہے ، 

تفصیلات کے مطابق عمران خان نے فیصل آباد جلسے کے بعد پیدا ہونے والی صورتحال کے حوالے سے اپنے ٹویٹ میں واضح کردیا ہے کہ اصل میں یہ ایک پراپوگنڈا ہے ، انہوں نے ٹویٹ میں لکھا کہ "" میں اس کڑے پراپیگنڈے پر نگاہ رکھےہوئے ہوں جو مجرموں کا پی ڈی ایم نامی گروہ میرے خلاف کررہاہے۔پشاورکےآج کےجلسےمیں میں ان سب کو باضابطہ جواب دوں گا " ۔

میں اس کڑےپراپیگنڈےپر نگاہ رکھےہوئےہوں جومجرموں کاPDMنامی گروہ میرےخلاف کررہاہے۔اسکی وجہ وہ خوف ہےجس میں یہPTIکی بڑھتی ہوئی مقبولیت کے باعث مبتلاہیں۔پشاورکےآج کےجلسےمیں میں ان سب کو باضابطہ جواب دوں گاجو مجھےبدنام کرنےکیلئےمیرےالفاظ کوجان بوجھ کر توڑمروڑ رہےہیں۔بس بہت ہوگیا!

— Imran Khan (@ImranKhanPTI) September 6, 2022

Am following intense propaganda launched by PDM cabal of crooks against me.This stems from their being petrified of PTI's soaring popularity. Today in Peshawar jalsa I will give proper reply to all those who have deliberately been distorting my words to malign me.Enough is enough

— Imran Khan (@ImranKhanPTI) September 6, 2022

قبل ازیں چیئرمین تحریک انصاف عمران خان نے کہا کہ گزشتہ دو ماہ کے دوران فیصل آباد میں یہ ہمارا دوسرا جلسہ تھا،ہمارا یہ اجتماع پہلے جلسے سے بھی بڑا تھا۔ ماشاءاللہ،پاکستان بدل چکا اور سیاسی طور پرکہیں آگے بڑھ چکا ہے۔ 

سیاسی شعور کی حامل اقوام ہی فِکر اور وجود پر پڑی غلامی کی بیڑیاں توڑتی ہیں۔ پاکستان سیلاب سے تباہ ہے،ہمارے لوگوں کو عالمی موسمیاتی تبدیلی کے تباہ کن اثرات کو سمجھنے کی ضرورت ہے جس کے نتیجے میں خشک سالی اور پھر سیلاب آتے ہیں۔

سابق وزیر اعظم کا کہنا تھا کہ یہ ضروری ہے کہ ہم جنگلات، ڈیموں، بیراجوں اور ویسٹ واٹر ٹریٹمنٹ پلانٹس کے ذریعے اپنے ماحول میں بڑی تبدیلیاں لائیں۔ راوی شہر میں روڈا نے زہریلے فضلے کے پانی کو آبی حیات کیلئے موزوں پانی میں تبدیل کرنے کیلئے کامیاب ٹیسٹ کیے ہیں۔

چیئرمین تحریک انصاف عمران خان کا کہنا تھا کہ یہ ٹریٹمنٹ پلانٹس میونسپل سطح پر راوی کو تازہ پیرینیل باڈی میں تبدیل کرنے والے اپنی نوعیت کے پہلے پلانٹس ہوں گے۔اس کے علاوہ، تین بیراج جو روڈا کا حصہ ہیں پانی کو محفوظ کریں گے اور اس طرح ہمارے کم ہوتے زمینی پانی کو ری چارج کریں گے۔ دوسری جانب عمران خان فیصل آباد جلسے سے خطاب میں کہنا تھا کہ شریف اور زرداری خاندان 30 سال سے چوری کر رہے ہیں۔

واضح رہے کہ اس سے پہلے اسدعمر نے کہا تھاکہ مران خان کے کل کے بیان کے سیاق و سباق کی وضاحت پہلے ہی کی جا چکی ہے۔ اسد عمر کا کہنا ہے کہ عمران خان نے ہمیشہ افواجِ پاکستان کی پیشہ وارانہ مہارت اور قربانیوں کی مکمل تعریف و تائید کی ہے۔

پاکستان تحریک انصاف کے سینئر رہنما اور سابق وفاقی وزیر اسد عمر کی جانب سے عمران خان کے بیان کے حوالے سے اہم وضاحت جاری کی گئی ہے۔

 اسد عمر کا کہنا ہے کہ عمران خان کے کل کے بیان کے سیاق و سباق کی وضاحت پہلے ہی کی جا چکی ہے۔ ادارے یا اسکی سینئر قیادت کی ساکھ کو نقصان پہنچانے کا قطعاً کوئی ارادہ نہ تھا، پاکستان تحریک انصاف اور ‪عمران خان نے ہمیشہ افواجِ پاکستان کی پیشہ وارانہ مہارت اور قربانیوں کی مکمل تعریف و تائید کی ہے،

میرٹ کے اصول کی پاسداری پر اصرار اس ادارے کی پیشہ وارانہ مہارت کے تحفظ کی خواہش کے تابع ہے۔ اس سے قبل آئی ایس پی آر کی جانب سے عمران خان کے بیان پر ردعمل جاری کیا گیا۔

میڈیا رپورٹس کے مطابق آئی ایس پی آر کا کہنا ہے کہ سینئر قیادت پر ہتک آمیز،انتہائی غیر ضروری بیان پر پاک آرمی میں شدید غم وغصہ ہے۔

پاک فوج قوم کی سیکیورٹی اور حفاظت کے لیے ہر روز جانیں قربان کر رہی ہے۔ایسے وقت میں پاک فوج کی سینئر قیادت کو متنازع بنانے کی کوشش انتہائی افسوسناک ہے۔

قبل ازیں وزیر اعظم شہباز شریف نے چیئرمین تحریک انصاف عمران خان کو آڑے ہاتھوں لے لیا۔ وزیر اعظم نے کہا ہے کہ اداروں کو بد نام کرنے کیلئے عمران نیازی کی نفرت انگیز باتیں ہر روز نئی بلندیوں کو چھو رہی ہیں،

عمران خان اب مسلح افواج اور اس کی قیادت کے خلاف کیچڑ اچھالنے اور زہریلے الزامات لگا رہے ہیں۔ وزیر اعظم شہباز شریف نے سماجی رابطے کی ویب سائیٹ ٹویٹر پر اپنے پیغام میں کہا کہ اداروں کو بدنام کرنے کے لیے عمران نیازی کی نفرت انگیز مہم ہر روز نئی بلندیوں کو چھو رہی ہے۔

عمران خان کا مذموم ایجنڈا واضح طور پر پاکستان کو تباہ کرنا اور کمزور کرنا ہے۔جبکہ سابق صدر آصف زرداری نے بھی نام لئے بغیر چیئرمین تحریک انصاف عمران خان پر تنقید کی ہے،آصف زرداری نے کہا کہ ساری قوم کو نظر آرہا ہے فتنہ کون ہے؟

آج سب کو انسان اور حیوان کا پتہ چل گیا ہے۔اس شخص نے ملک کو کمزور کرنے کا ٹھیکہ لیا ہوا ہے جو ہمارے جیتے جی نہیں ہوسکتا۔

سابق صدر کا کہنا تھا کہ ہم اپنے اداروں کو اس شخص کی ہوس کی خاطر متنازع نہیں بننے دیں گے،ہمارے سپاہی سے لیکر جرنیل تک ہر ایک بہادر اور محبت وطن ہے،پوری قوم اس وقت سیلاب زدگان کے ساتھ کھڑی ہے۔