سیلاب کی تباہ کاریاں : جاں بحق افراد کی تعداد 1300 سے تجاوز 

این ڈی ایم اے کی جانب سے جاری کردہ رپورٹ کے مطابق ملک بھر میں  سیلاب سے جاں بحق  افراد کی  تعداد ایک ہزار 325 تک پہنچ گئی ہے۔

این ڈی ایم اے کے مطابق  ملک بھرمیں بارشوں اور سیلا ب سے مزيد 11 افراد جاں بحق ہوئے ۔ این ڈی ایم اے کے مطابق  تمام11  اموات سندھ  میں  رپورٹ کی گئی ہیں ۔ 

بارشوں اور سیلاب سے سندھ میں مجموعی  طور پر اب تک 522 افراد جاں بحق ہوئے ۔

سیلاب سے بلوچستان  میں 260،  پنجاب 189 ، گلگت بلتستان 22 اور آزاد کشمیر میں 42 افراد جان کی بازی ہار گئے۔

رپورٹ کے مطابق  ملک بھر میں اب تک زخمى ہونے والوں کى تعداد 12 ہزار 703 ہے ۔ ملک بھر میں 5735 کلو ميٹر سڑکیں بارشوں اور سيلاب  میں بہہ گئیں،   7 لاکھ 50 ہزار 481 مويشيوں کو بھی نقصان پہنچا ہے۔

ملک بهر میں 80 اضلاع بارشوں اور سيلاب  کی زد میں ہيں جبکہ  3 کروڑ 30 لاکھ 46 ہزار 329 افراد بارشوں سے متاثر ہوئے۔