جی این این سوشل

پاکستان

عمران خان اور فواد چودھری کےخلاف توہین الیکشن کمیشن کے شوکاز معطل

 لاہور ہائیکورٹ راولپنڈی بینچ نے  عمران خان اور فواد چودھری کے خلاف توہین الیکشن کمیشن کے شوکاز نوٹس معطل کردیے۔

پر شائع ہوا

کی طرف سے

عمران خان اور فواد چودھری کےخلاف توہین الیکشن کمیشن کے شوکاز معطل
جی این این میڈیا: نمائندہ تصویر

 

لاہور ہائیکورٹ راولپنڈی بینچ میں عمران خان اور فواد چودھری کی درخواست پر سماعت ہوئی۔عمران خان اورفوادچودھری کی طرف سے بابراعوان اورفیصل چودھری عدالت میں پیش ہوئے ۔

لاہورہائیکورٹ راولپنڈی بینچ نے عمران خان اور فواد چودھری کو جاری  کیے گئے توہین الیکشن کمیشن کے شوکاز  نوٹس معطل کردیئے۔

عمران خان اورفوادچودھری سے متعلق شوکاز نوٹس کے معاملے پر 29 ستمبر کو لارجر بینچ سماعت کرے گا۔

واضح رہے کہ الیکشن کمیشن نے عمران خان اور فواد چودھری کے خلاف توہینِ الیکشن کمیشن کے شوکاز نوٹسز جاری کیے تھے۔ نوٹس کے متن میں کہا گیا تھا کہ عمران خان نے  عوام سے خطاب میں چیف الیکشن کمشنر پر الزامات لگائے  اور توہین آمیز ریمارکس دیے۔

عمران خان اور فواد چودھری نے الیکشن کمیشن کے شوکاز نوٹسز لاہور ہائی کورٹ راولپنڈی بینچ میں چیلنج کیے تھے۔

عمران خان اور فواد چودھری نے درخواست میں مؤقف اختیار کیا ہے کہ الیکشن کمیشن کو توہین عدالت کا اختیار حاصل نہیں، آئین کے مطابق عدالتی اختیارات انتظامی اداروں کو تفویض نہیں کیے جاسکتے۔

درخواست کے متن کے مطابق الیکشن کمیشن کے شوکاز نوٹسز آئین و قانون کے خلاف ہیں، الیکشن کمیشن کے ممبر سندھ اپنے خلاف مبینہ توہین کے مقدمے کے خود جج ہیں۔

پاکستان

پبلک ٹرانسپورٹ کے کرایوں میں مزید اضافہ، اطلاق رات 12 بجے سے ہو گا

لاہور: پیٹرولیم مصنوعات کی قیمتوں میں اضافے کے حکومتی اعلان کے بعد پبلک ٹرانسپورٹ کے کرایوں میں مزید اضافے کا فیصلہ کر لیا گیا ہے۔

پر شائع ہوا

ویب ڈیسک

کی طرف سے

پبلک ٹرانسپورٹ کے کرایوں میں مزید اضافہ، اطلاق رات 12 بجے سے ہو گا

یہ فیصلہ پبلک ٹرانسپورٹ اونرز فیڈریشن نے کیا ہے۔ اس ضمن میں ترجمان پبلک ٹرانسپورٹ اونرز فیڈریشن نے کہا ہے کہ لاہور سے کراچی کے کرائے میں 600 روپےاضافہ کیا گیا ہے جب کہ لاہور سے پشاور اور صادق آباد کے کرایوں میں 200 روپے کا اضافہ ہو گا۔

ترجمان کے مطابق لاہور سے راولپنڈی، فیصل آباد اور ملتان کے کرایوں میں 100 روپے کا اضافہ کیا گیا ہے جب کہ
لاہور سے گوجرانوالہ کا کرایہ 50 روپے بڑھایا گیا ہے۔ پبلک ٹرانسپورٹ اونرز فیڈریشن کی جانب سے کیے جانے والے فیصلے کے تحت نئے کرایہ ناموں کا اطلاق اے سی اور نان اے دونوں اقسام کی بسوں پر ہو گا۔

ترجمان پبلک ٹرانسپورٹ اونرز فیڈریشن نے اس حوالے سے واضح کیا ہے کہ نئے کرایہ ناموں کا اطلاق آج شب 12 بجے سے کیا جائے گا اور ساتھ ہی خبردار کیا ہے کہ اگر کسی بھی قسم کی انتقامی کارروائی کی گئی تو گاڑیاں کھڑی کردیں گے۔

 
 

پڑھنا جاری رکھیں

پاکستان

آصف علی زرداری نے عمران خان کو قانونی نوٹس بھجوادیا

مران خان لیگل نوٹس ملنے کے 14 روز میں غیر مشروط معافی مانگیں

پر شائع ہوا

ویب ڈیسک

کی طرف سے

آصف علی زرداری نے عمران خان کو قانونی نوٹس بھجوادیا

سابق صدر آصف علی زرداری نے سابق وزیراعظم عمران خان کو قانونی نوٹس بھجوادیا،عمران خان نے آصف زرداری پر اپنے قتل کی سازش کا الزام لگایا تھا، عمران خان کا بیان اخبارات میں بھی شائع ہواتھا۔

ذرائع کے مطابق آصف زرداری کی جانب سے فاروق ایچ نائیک نے لیگل نوٹس بھجوایا،عمران خان لیگل نوٹس ملنے کے 14 روز میں غیر مشروط معافی مانگیں۔

معافی نہ مانگی تو10 ارب روپے ہرجانے کا کیس کرونگا، قانونی کارروائی کا حق رکھتا ہوں۔

پڑھنا جاری رکھیں

کھیل

نوواک جوکووچ نے 10 ویں مرتبہ آسٹریلین اوپن کا ٹائٹل جیت لیا

میلبرن: سربیا کے نوواک جوکووچ نے 10 ویں مرتبہ آسٹریلین اوپن کا ٹائٹل جیت لیا۔

پر شائع ہوا

ویب ڈیسک

کی طرف سے

نوواک جوکووچ نے 10 ویں مرتبہ آسٹریلین اوپن کا ٹائٹل جیت لیا

عالمی خبر رساں ایجنسی کے مطابق آسٹریلیا کے شہر میلبرن میں کھیلے جانے والے فائنل میں جوکووچ نے یونان کے اسٹفنوس اسٹسیپاس کو اسٹریٹ سیٹس میں شکست دی۔

جوکووچ نے دسویں مرتبہ آسٹریلین اوپن کا ٹائٹل اپنے نام کیا جس کے بعد ان کے گرینڈ سلیم ٹائٹلز کی تعداد 22 ہو گئی ہے اور وہ اسپین کے رافیل نڈال کے برابر آگئے ہیں۔

واضح رہے کہ جوکووچ نے اپنے کیریئر میں اب تک 22 گرینڈ سلیم ٹائٹلز جیتے ہیں جب کہ 11 ٹورنامنٹس میں وہ رنر اپ رہے ہیں۔

یاد رہے کہ سربیا کے 35 سالہ کھلاڑی نے 10 مرتبہ آسٹریلین اوپن، 7 مرتبہ ومبلڈن، 3 مرتبہ یو ایس اوپن اور 2 مرتبہ فرنچ اوپن کا ٹائٹل جیتا ہے۔

پڑھنا جاری رکھیں

ٹرینڈنگ

Take a poll