ورلڈبینک اور آئی ایم ایف سے مذاکرات : وزیر خزانہ امریکا روانہ

تفصیلات کے مطابق وفاقی وزیرِ خزانہ اسحاق ڈار کی امریکا روانگی سے متعلق وزارتِ خزانہ کی جانب سے اعلامیے میں بتایا گیا ہے۔

وزیر خزانہ واشنگٹن میں بریٹن ووڈ انسٹی ٹیوشنز (بی ڈبلیو آئیز) کے سالانہ اجلاس میں بھی شرکت کریں گے۔

اس سے قبل وفاقی وزیرِ خزانہ اسحاق ڈار نے آئی ایم ایف مشن چیف ناتھن پورٹر سے ورچوئل ملاقات کی تھی جس کے دوران انہوں نے سیلاب سے انفرااسٹرکچر اور فصلوں کے نقصانات پر معاشی صورتِ حال سے آگاہ کیا تھا ۔

وزیرِ خزانہ نے بتایا تھا کہ حکومت کا مقصد اسٹرکچرل مسائل حل کرنا ہے، اسٹرکچرل مسائل کے حل سے پاکستان مالیاتی خسارہ ختم کر کے پائیدار ترقی کی طرف بڑھ سکے گا۔

ان کا کہنا تھا کہ  وزیرِ اعظم شہباز شریف کی دورۂ امریکا میں ایم ڈی آئی ایم ایف سے ملاقات ہوئی ، جس کے دوران ایم ڈی آئی ایم ایف نے سیلاب کی مشکل صورتِ حال میں پاکستان کا ساتھ دینے کے عزم کا اظہار کیا تھا۔