چمکنی میں گاڑی پر فائرنگ، 4 افراد جاں بحق

پولیس کے مطابق چمکنی میں فائرنگ کا واقعہ جائیداد کے تنازعے کے باعث پیش آیا اور جاں بحق افراد کا تعلق ارمڑ سے ہے۔

پولیس نے واقعے کے بعد تفتیش شروع کر دی جبکہ ملزمان کی گرفتاری کے لیے مختلف علاقوں میں ناکے بھی لگا دیئے گئے۔

واضح رہے کہ گزشتہ روز بھی خیبر پختونخوا کے علاقے اپر کرم میں فائرنگ کا واقعہ پیش آیا تھا جس کی وجہ سے 4 افراد جاں بحق اور 10 زخمی ہو گئے تھے۔

اپر کرم میں بھی فائرنگ کا واقعہ دو گروپوں کے درمیان جائیداد کے تنازعہ کے باعث پیش آیا تھا۔