محمد رضوان نے ایک اور اعزازاپنے نام کر لیا

محمد رضوان نے ایک اور اعزاز اپنے نام کرلیا ، پاکستان اور نیوزی لینڈ کی ٹیموں کے درمیان کرائسٹ چرچ میں کھیلے گئے تین ملکی سیریز کے فائنل میچ میں محمد رضوان نے جب اپنا 15 واں انفرادی رن لے کر بھارتی کرکٹ ٹیم کے بلے باز سوریا کمار یادو کو پیچھے چھوڑا۔

سوریا کمار یادو نے رواں سال 2022 میں 23 اننگز میں 801 رنز بنائے تھے، یوں محمد رضوان نے اٹھارویں اننگ میں ہی بھارتی سوریا کمار یادو کو پیچھے چھوڑ دیا۔

 بھارتی کرکٹ ٹیم کے بلے باز سوریا کمار یادو ٹی ٹونٹی کی عالمی رینکنگ میں بلے بازوں کی فہرست میں محمد رضوان کے بعد دوسرے نمبر پر ہیں ۔

پاکستان کرکٹ ٹیم کے مایہ ناز بلے باز محمد رضوان گزشتہ سال بھی ٹی ٹوئنٹی انٹرنیشنل میچز میں سب سے زیادہ رنز بنانے والے کھلاڑی تھے اور سال 2021 میں انہوں نے 26 اننگز میں 1326 رنز بنائے تھے۔