منحرف رکن کا ووٹ شمار نہیں ہو گا، نااہلی مدت کا تعین پارلیمنٹ کرے، سپریم کورٹ

سپریم کورٹ کی تحریری فیصلے کے مطابق منحرف رکن کا پارٹی ہدایات کیخلاف ووٹ گنتی میں شمار نہیں ہو گا،آئین میں پارٹی ہدایات کیلئے پارلیمانی پارٹی کا ذکر ہے، پارٹی ہیڈ کا نہیں،ووٹ ڈالتے وقت پارلیمانی پارٹی کی ہدایات پر عمل کرنا ہو گا۔

پارٹی ہدایت کیخلاف ووٹ ڈالنا پارلیمانی جمہوری نظام کیلئے تباہ کن ہے،ارکان کا منحرف ہونا سیاسی جماعتوں کی سالمیت اور ہم آہنگی پر حملہ ہے،

عدالت عظمیٰ نے فیصلے میں ہدایت کی ہے کہ  پارلیمنٹ منحرف رکن کی نااہلی کی مدت کا تعین خود کرے ۔ فیصلے میں جسٹس مظہر عالم میاں خیل اور جسٹس جمال خان مندوخیل نے اختلافی نوٹ تحریر کیا۔