امریکی صدر بائیڈن کے بیان پر عمران خان نے سوالات اُٹھا دیے 

تفصیلات کے مطابق سابق وزیراعظم عمران خان نے سماجی رابطے کی ویب سائٹ ٹوئٹر پر امریکی صدر جوبائیڈن کے  بیان پر سوالات اٹھادیئے ۔ 

چیئرمین تحریک انصاف  عمرا ن خان نے کہا کہ امریکی صدر کے بیان پرمیرے 2 سوالات ہیں ، پہلا یہ کہ دنیا بھر میں، پاکستان نے نیوکلیئرائزیشن کے بعد کب جارحیت کا مظاہرہ کیا؟

I have 2 Qs on this: 1. On what info has @POTUS reached this unwarranted conclusion on our nuclear capability when, having been PM, I know we have one of the most secure nuclear command & control systems? 2. Unlike the US which has been involved in wars https://t.co/nkIrlekBxQ

— Imran Khan (@ImranKhanPTI) October 15, 2022

دوسرا سوال یہ کہ آپ کے پاس پاکستان کے جوہری ہتھیاروں سے متعلق کیا معلومات ہیں؟سابق وزیر اعظم عمران خان نے مزید لکھا کہ بحیثیت سابق وزیر اعظم، میں جانتا ہوں کہ ہمارے پاس سب سے محفوظ جوہری کمانڈ اینڈ کنٹرول سسٹم ہے۔

ان کا کہنا ہے کہ امپورٹڈحکومت مسلسل امریکہ کے ساتھ تعلقات کی بحالی کا بیانیہ پیش کر رہی ہے ،کیا یہ ہے تعلقات کی بحالی؟اس حکومت نے نااہلی کے تمام ریکارڈ توڑ دیے ہیں۔

My greatest worry is that apart from leading us to economic ruin &, with NRO2 for themselves, giving a license to white collar criminals to plunder the country, this govt will also end up completely compromising our national security.

— Imran Khan (@ImranKhanPTI) October 15, 2022

عمران خان نے موجودہ  حکومت پر تنقید کرتے ہوئے لکھا  کہ میری سب سے بڑی پریشانی یہ ہے کہ یہ حکومت ہمیں معاشی تباہی کی طرف لے جانے اور اپنے لیےاین آر او2 کے ذریعے وائٹ کالر مجرموں کو ملک کو لوٹنے کا لائسنس دینے کے ساتھ ساتھ ہماری قومی سلامتی سے بھی مکمل طور پر سمجھوتہ کر لے گی۔

واضح رہے کہ امریکی صدر جو بائیڈن نے پاکستان پر الزام لگاتے ہوئے کہا ہے کہ پاکستان کا ایٹمی پروگرام بے قاعدہ ہے اور خیال ہے کہ پاکستان خطرناک ترین ممالک میں سے ایک ہے۔