این اے 157 ملتان:غیر حتمی غیر سرکاری نتائج کے مطابق پیپلزپارٹی نے پی ٹی آئی کو شکست دے دی

ملتان میں پریس کانفرنس کے دوران یوسف رضا گیلانی نے 20 ہزار ووٹوں کی برتری سے جیت کا دعویٰ کردیا۔

پی پی کا دعوی ہے کہ یوسف رضا گیلانی کے صاحبزادے علی موسی گیلانی نے 79743 ووٹ لیے جبکہ پی ٹی آئی کی مہربانو 59993 ووٹ لے سکیں۔

خیال رہے کہ خیبر پختونخوا ، سندھ اور پنجاب میں قومی اسمبلی کی 8 اور صوبائی اسمبلی کی 3 نشستوں پر ضمنی انتخاب کے لیے پولنگ کا وقت ختم ہوگیا اور اس وقت گنتی کا عمل جاری ہے۔

قومی اسمبلی کے 8 اور 3 صوبائی حلقوں پر پولنگ کا آغاز صبح 8 سے ہوا جو کہ شام 5 بجے تک بلا تعطل جاری رہی۔

قومی اسمبلی کے جن حلقوں پر ضمنی انتخاب ہوا ان میں خیبر پختونخوا کے 3، کراچی کے 2 اور پنجاب کے 3 حلقے شامل ہیں جبکہ تینوں صوبائی نشستیں پنجاب اسمبلی کی ہیں۔