ضمنی انتخاب پی پی 139 شیخوپورہ   : ن لیگ کے افتخار احمد نے میدان مار لیا

ضمنی انتخاب پی پی 139 شیخوپورہ  153 پولنگ اسٹیشنز کے غیرحتمی نتائج موصول ہو گئے ہیں جس کے مطابق ن لیگ کے حاجی افتخار احمد بھنگو  33734 ووٹ لے کر جیت گے جب کہ ابوبکر شرقپوری (پی ٹی آئی) 31707 ووٹ کے ساتھ دوسرے نمبر پر ہیں۔

خیال رہے کہ خیبر پختونخوا ، سندھ اور پنجاب میں قومی اسمبلی کی 8 اور صوبائی اسمبلی کی 3 نشستوں پر ضمنی انتخاب کے لیے پولنگ کا وقت ختم ہوگیا اور اس وقت گنتی کا عمل جاری ہے۔

قومی اسمبلی کے 8 اور 3 صوبائی حلقوں پر پولنگ کا آغاز صبح 8 سے ہوا جو کہ شام 5 بجے تک بلا تعطل جاری رہی۔

قومی اسمبلی کے جن حلقوں پر ضمنی انتخاب ہوا ان میں خیبر پختونخوا کے 3، کراچی کے 2 اور پنجاب کے 3 حلقے شامل ہیں جبکہ تینوں صوبائی نشستیں پنجاب اسمبلی کی ہیں۔