ارشد شریف قتل کیس میں اہم پیش رفت

سینئر صحافی ارشد شریف قتل کیس میں اسپیشل مشترکہ تحقیقاتی ٹیم (جے آئی ٹی) کا آٹھواں اجلاس ہوا۔ قتل کیس میں اب تک 26 گواہان کے بیانات قلمبند کیے جا چکے ہیں جبکہ  آج مزید بیانات قلمبند کرنے کے لیے اہم گواہوں کو طلب کر لیا گیا ہے۔

گزشتہ ہفتے ارشد شریف کا پوسٹ مارٹم کرنے والے ڈاکٹرز جے آئی ٹی کے سامنے پیش ہوئے تھے اور جے آئی ٹی نے میڈیکل عملے سے ایک گھنٹے تک سوالات کیے اور میڈیکل بورڈ کا بیان قلم بند کیا تھا۔

ذرائع کے مطابق جوائنٹ انویسٹی گیشن ٹیم (جے آئی ٹی) نے ڈاکٹرز کی ٹیم سے مکمل شواہد حاصل کر لیے۔