امریکا میں  شدید برفانی طوفان ، 4 ہزارسے زائد پروازیں منسوخ

میڈیا رپورٹس کے مطابق جمعرات کو 2 ہزار 350 امریکی پروازیں منسوخ ہوئیں جبکہ جمعہ کو یہ تعداد 2 ہزار 120 رہی۔

مسافر ریل سروس نے درجنوں ٹرینیں منسوخ کر دیں جس سے ہزاروں مسافر تعطیلات کے دوران سفر نہیں کرسکیں گے۔

فیڈرل ایوی ایشن ایڈمنسٹریشن نے کہا کہ شدید سردی میں برفانی طوفان سے شکاگو، ڈیٹرائٹ اور منیاپولیس کے شہروں میں سفری مشکلات درپیش آسکتی ہیں۔

محکمہ موسمیات کا کہنا ہے کہ برفانی طوفان آئندہ 24 گھنٹوں میں مزید خطرناک ہو سکتا ہے۔