جعلسازی کو روکنے کیلئے نادرا نے ملٹی بائیومیٹرک ویریفیکیشن کا طریقہ متعارف کروا دیا

نیشنل رجسٹریشن اینڈ ڈیٹا بیس اتھارٹی (نادرا) نے جعل سازی کی روک تھام کےلیے ملٹی بائیومیٹرک ویریفیکیشن سسٹم کا آغاز کردیا۔

چیئرمین نادرا طارق ملک کا کہنا ہے کہ فنگر پرنٹس سے دھوکا دہی اور جعلسازی کوختم کیا جاسکے گا، ملٹی بائیو میٹرک ویریفیکیشن سسٹم جدید اور نہایت محفوظ سسٹم ہے۔

طارق ملک کا مزید کہنا تھا کہ ملٹی بائیومیٹرک ویریفیکیشن انگوٹھوں اور انگلیوں کے نشانات سے فراڈ روکنے کی استعداد رکھتا ہے۔