عمران خان کی اسلام آباد میں دہشتگردی کے واقعے کی مذمت

تفصیلات کے مطابق چیئرمین پاکستان تحریک انصاف عمران خان نے ایک بیان میں کہا کہ  اسلام آباد آج ہونےوالےخودکش دہشتگرد حملےکی شدید مذمت کرتا ہوں۔

ان کاکہنا تھا کہ کسی بڑے سانحے سے بچانے کے لئے  شہید ہونیوالے بہادر پولیس اہلکار کو سلام پیش کرتا ہوں۔  

عمران خان نے کہا کہ ملک بھر میں امن و امان کی صورتحال تیزی سےبگڑ رہی ہے جو امپورٹڈ حکومت اورانٹیلی جنس ایجنسیوں کی مکمل ناکامی کی عکاس ہے۔ 

واضح رہے کہ وفاقی دارالحکومت اسلام آباد میں خود کش دھماکے سے ایک پولیس اہلکار  شہید اور  4 پولیس اہلکاروں سمیت 6 افراد زخمی ہوگئے  ۔