صدرمملکت کا 4 بہنوں کو جائیداد میں حصہ دینے کا حکم برقرار

اس حوالے سے جاری بیان میں صدرِ مملکت کا کہنا تھا کہ وراثتی جائیداد کی فروخت سے حاصل ہونے والی رقم تمام بہن بھائیوں میں تقسیم کی جائے۔

صدرِ مملکت نے وفاقی محتسب برائے انسدادِ ہراسیت بمقامِ کار کے احکامات کو برقرار رکھا، عارف علوی نے احکامات خواتین کے ملکیتی حقوق کے نفاذ کے ایکٹ 2019ء کے تحت دیے۔

واضح رہے کہ 4 بہنوں نے بھائیوں کی جانب سے وراثتی حق نہ دینے پر انسدادِ ہراسیت محتسب کو شکایت کی تھی،  بہنوں نے وفاقی محتسب برائے انسدادِ ہراسیت سے شکایت کی تھی کہ ان کے بھائیوں نے اپنے متوفی والد کی جائیداد میں اپنا وراثتی حق دینے سے انکار کردیا تھا اور درخواست کی تھی کہ ان کا متعلقہ حصہ انہیں دلایا جائے.