سندھ حکومت کی بلدیاتی انتخابات کو ملتوی کرنے کی درخواست،الیکشن کمیشن کا اہم اجلاس جاری

میڈیا رپورٹس  کے مطابق اسلام آباد میں الیکشن کمیشن کے ہیڈ کوارٹر  میں چیف الیکش کمشنر کی سربراہی میں اہم اجلاس جاری ہے جس میں چیف الیکشن کمشنر سکندر سلطان ویڈیولنک کے ذریعے شریک ہیں۔

اجلاس میں سیکرٹری الیکشن کمیشن عمرحمید بھی شریک ہیں جب کہ کراچی سے صوبائی الیکشن کمشنر اعجاز انور چوہان ویڈیو لنک کے ذریعے اجلاس میں شرکت کررہے ہیں۔

میڈیا رپورٹس کے مطابق اجلاس میں سندھ حکومت کے لکھے گئے خط پر غور کیا جارہا ہے اور کراچی، حیدرآباد میں بلدیاتی الیکشن کے موقع پر سکیورٹی خدشات کی رپورٹس کا بھی جائزہ لیا جارہا ہے۔

واضح رہےکہ سندھ حکومت نے الیکشن کمیشن سے کل کراچی اور حیدرآباد کے بلدیاتی انتخابات ملتوی کرنے کی درخواست کی ہے جب کہ حساس اداروں کی جانب سے بھی سکیورٹی خدشات کے پیش نظر انتخابات کے التوا کی درخواست کی گئی ہے۔