تحریک انصاف کا تہلکہ خیز دعویٰ، ایم کیو ایم کا اہم فیصلہ

تحریک انصاف نے وزیراعظم شہبازشریف کے خلاف اعتماد کی ووٹ کی کارروائی کرنے کا فیصلہ کیا ہے جبکہ پی ڈی ایم حکومت کیلئے پریشان کن بات یہ ہے کہ ایم کیوایم ناراض دکھائی دے رہی ہے اور حکومت کیلئے ان کے سات ووٹ نہایت اہمیت کے حامل ہیں ۔

تفصیلات کے مطابق پی ڈی ایم حکومت کے ساتھ ایم کیوایم کے حلقہ بندیوں پر اختلافات ہیں جس کی حل کی یقین دہانی گزشتہ روز شہبازشریف کی جانب سے بھی کروائی گئی تاہم برف پگھلنے میں ابھی تک ناکام ہے اور متحدہ قومی موومنٹ حکومت سے علیحدگی کی دھمکی بھی دے چکی ہے ۔

جی این این نیوز نے ایم کیوایم ذرائع سے دعویٰ کیاہے کہ پہلے مرحرلے میں ایم کیوایم کے وفاقی وزراءکا مستعفی ہونے کا امکان ہے ۔

ایم کیوایم کا کہناتھا کہ ان حلقہ بندیوں پر الیکشن لڑنا خود کشی ہو گی ، ہم نہیں تو پھر کوئی نہیں، ایم کیوایم کے پاس ایک نہیں بلکہ کئی آپشنز موجود ہیں، ایم کیوایم تما م آپشنز پر غور کر رہی ہے ، تما م جماعتوں سے بات چیت ہو سکتی ہے ، تحریک انصاف سے بھی ہو سکتی ہے ، ہمارے ووٹ کی وجہ سے پیپلز پارٹی کے 10 وفاقی وزیر ہیں۔